У 1885 годзе ў вёсках Стары Свержань, Ператокі і Дразды былі адкрыты Школы граматы, як больш танныя і даступныя для насельніцтва.
На фотаздымку хата жыхара вёскі Дразды Буката Андрэя Сцяпанавіча, дзе размяшчалася такая школа.
У 1903 годзе ў вёсцы Стары Свержань па лініі земства было адкрыта аднакласнае сельскае вучылішча, у якім займаліся дзеці ад 7 да 14 гадоў.
У 1917 годзе дзякуючы намаганням настаўніка Шчыглова Рыгора Іванавіча ў памяшканні вучылішча была адкрыта школа. Рыгор Шчыглоў скончыў Полацкую настаўніцкую семінарыю.Ён быў першым дырэктарам школы.
На фотаздымку будынак народнага вучылішча і школы.
Пасведчанне, выдадзенае вучаніцы Старасвержанскага народнага вучылішча
Далідовіч Вользе Дзмітраўне.
У 1921 – 1939 гадах у вёсцы Стары Свержань дзейнічае сямікласная польская (повшэхная) школа. Усе прадметы выкладаліся на польскай мове. Выпускнікі школы карысталіся правам паступлення ў Віленскую гімназію.
На фотаздымках настаўнікі і вучні польскай школы: 1925 год, 1934 год. А вось удзельнікі школьнага тэатральнага гуртка ( 1930 год).
З 1937 года пачынаецца гісторыя нашай Старасвержанскай школы.
Менавіта ў гэтым годзе пры садзейнічанні войта Навасвержанскай гміны Сігізмунда Абрыцкага, ураджэнца вёскі Гараймаўшчына і былога настаўніка,
З 1939 года, пасля вызвалення Заходняй Беларусі, заняткі ў школе вяліся на роднай беларускай мове.
З 1941 па 1944 год заняткі прыпынены. У будынку размясціўся нямецкі гарнізон. Заняткі праводзіліся ў старым драўляным будынку школы і часткова ў сялянскіх хатах. Адступаючы ў 1944 годзе, немцы пакінулі школу ў паўразбураным стане. Прыйшлося шмат папрацаваць на аднаўленні школы, тэрыторыі. 1 верасня 1944 года заняткі ў школе ўзнавіліся.
1945 -1948 гады:
З 1944 года дырэктарам школы быў Хмяльніцкі Уладзімір Сямёнавіч .
Дзякуючы яго намаганням за два гады з дапамогай бацькоў школа была поўнасцю адрамантавана. У школе была створана нядрэнная матэрыяльная база, сабрана добрая бібліятэка.
У 1945 годзе адбыўся першы выпуск 9- га класа . Першымі выпускнікамі былі тры вучаніцы вёскі Стары Свержань: Валовіч Кацярына Аляксандраўна, Атрушкевіч Галіна Іванаўна, Жылуновіч Лідзія Сцяпанаўна.
У 1948 годзе ў школе навучалася 360 вучняў.
На фотаздымках старонкі жыцця школы гэтых гадоў.
1948 – 1957 гады:
У 1948 годзе Старасвержанскую школу ўзначальвае дырэктар Міклашэвіч Аляксандр Іванавіч. Выдатны вучнёўскі хор стварыў Іван Ігнатавіч Вінаград. Хор заняў першае месца на абласным фестывалі мастацкай самадзейнасці і быў высока адзначаны Генадзем Цітовічам.
У 1949 годзе на абласной спартакіядзе школьнікаў у г. Баранавічы спартсмены Старасвержанскай школы былі пераможцамі. У гэтым вялікая заслуга настаўніка фізкультуры Булаша Леаніда Рыгоравіча.
У 1949 годзе адбыўся першы выпуск дзясятага класа.
фотаздымкі з жыцця школы ў гэтыя гады.
У 1957 годзе школу ўзначаліла дырэктар Шашкова Кацярына Аляксееўна.
У канцы 50-х гадоў у школе пачаў працаваць гісторыка-краязнаўчы гурток пад кіраўніцтвам настаўніка гісторыі і вялікага энтузіяста Шавеля Івана Андрэевіча. Матэрыялы з гісторыі адукацыі, якія размешчаны ў музейным пакоі, гэта плён працы Івана Андрэевіча і гурткоўцаў.
У 60-ых гадах у школе быў створаны духавы аркестр. На працягу 10 гадоў ён радаваў сваёй музыкай і вучняў школы, і жыхароў вёсак. Кіраваў аркестрам выдатны музыкант Янкоўскі Іван Сцяпанавіч.
1971 – 1977 гады:
З 1971 дырэктарам школы няпоўныя два гады працаваў Ярмаковіч Ігар Фёдаравіч.
З 1973 па 1977 год дырэктарам школы працаваў Залескі Міхаіл Антонавіч.
З 1977 па 1986 год школу ўзначальваў Калкоўскі Міхаіл Міхайлавіч, заслужаны настаўнік БССР. Увесь свой жыццёвы вопыт і педагагічны талент ён уклаў у развіццё школы.
Школа ў гэты перыяд набыла новы воблік, стала апорным пунктам Міністэрства асветы Рэспублікі Беларусь і цэнтрам увагі ў раёне.
У школе была пабудавана цяпліца, трусаферма. Быў закладзены пітомнік каштанаў.
У 1986 годзе дырэктарам школы прызначаны Сідаровіч Казімір Казіміравіч. Шмат увагі ён пачаў удзяляць творчаму росту настаўнікаў, інтэлектуальнаму развіццю вучняў.
У 2006 годзе ў школе зроблены капітальны рамонт, вёска Стары Свержань атрымала статус аграгарадка, цэнтр Старасвержанскага сельсавета.
З 2006 года школу ўзначальвае Аляшкевіч Ніна Іванаўна, выпускніца школы.
Комментариев нет:
Отправить комментарий
Примечание. Отправлять комментарии могут только участники этого блога.